Despedida Zaira

Ola a todas e a todos👋. Como estades?

Eu teño sentimentos encontrados pois sinto dicir isto, pero este será o meu último post no blog, un blog feito con dedicación, enerxía e agarimo sen dúbida! Grazas a esta iniciativa tivemos, tiven, a oportunidade de adentrarnos no mundo das TIC, un mundo moi actualizado e moi necesario para as aulas do presente e as do futuro. Todo isto non sería posible se non cursaramos a materia de Novas Tecnoloxías Aplicadas á Educación, unha materia indispensable para facer da aprendizaxe un proceso máis levadeiro e divertido para o alumnado e para os/as docentes. 

Após, dou as grazas 🙏por esta oportunidade, por esta experiencia que de seguro non esquecerei, así como ao equipo docente que estivo en todo momento ao noso carón para apoiarnos e guiarnos do mellor xeito posible e facer que sentiramos como se non estiveramos a proba a cada segundo senón que desfrutáramos de todo o que faciamos.Pero sen as miñas compañeiras  este proxecto non sería o mesmo, Noelia, Sheila, grazas polo voso tempo e dedicación, e sobre todo polo voso apoio!💚

Espero que aprobeitedes e desfrutedes os recursos e os materias que vos viñemos proporcionando ao longo desta etapa tanto como o fixemos nós. Nunca me gustaron as despedidas así que quero pensar que é un ata logo! Ah! Recordade, hai que valorar o NOSO!💙🤍

Unha aperta moi forte.🧡

Despedida Noelia

Ola rapazada!

Parece que ata aquí chegou a miña andadura por este blog, e polo tanto por esta materia  "Novas tecnoloxías da Educación". Teño que admitir que non me esperaba que se desenvolvese así, pois aprendín moitas cousas novas, transporteime por momentos a unha das materias do meu cliclo, cursado anteriormente (Marketing e Publicidade) e dinme de conta de que moitos recursos poden chegar a ser unha boa ferramenta para usar como futura docente.

Outra cousa que quero destacar é que cada día somos máis conscientes que as tecnoloxías forman parte da nosa vida diaria, e a educación como é un deses lugares que  cambia constantemente, e polo tanto con isto tamén, moitos/as mestres/as amósanse reacios a elas, pero ás veces poden ser un recurso moi efectivo no aprendizaxe das/os cativas/os. Cada día aparecen novos métodos tecnolóxicos que empregar na aula, que axudan a impartir a docencia dun xeito máis sinxelo, didáctico, interactivo, entretido e divertido, porque os/as nenos/as pásanno moi ben empregando as tecnoloxías. 

E con esta pequena reflexión despidome, moitas grazas por formarme un anaquiño máis, coma unha boa futura docente!

Un bico moi forte.

Despedida Sheila

Ola a todos!

Esta será a miña última publicación neste blog 😔 polo que me despido de todos vós e da materia de Novas Tecnoloxías Aplicadas a Educación Primaria, debo decir que grazas a esta materia dei un paso máis para formarme como futura docente. 

Paréceme moi interesante a idea de aplicar as ferramentas TIC na ensinanza-aprendizaxe en lugar do método tradicional de libro de texto, xa que é unha maneira máis dinámica e divertida de aprender e coa que coido que os nenos e nenas disfrutarán máis. 

Gustaríame tamén agradecer ás miñas compañeiras de grupo durante este cuatrimestre o seu traballo ao longo do curso e tamén aos docentes que nos botaron unha man sempre que o precisamos. 

E ata aquí chegamos, esperamos que vos gustaran os nosos proxectos e anímovos a todos e a todas a adentrarvos no mundo das tecnoloxías sempre facendo un uso adecuado delas. 

Ata pronto!

Proxecto Final

Boas a todos e a todas. 

Como estades?

Nós un pouco tristes porque xa estamos a chegar ao final do cuatrimestre. 

Na última sesión como última tarefa tivemos que realizar un proxecto final coas actividades que fomos realizando ao longo do curso. O noso proxecto consiste nunha páxina web creada con Wix sobre o tema que eleximos que foi a comida tradicional galega, na que incluimos estas actividades na orde na que as levaríamos a cabo. 

Se queredes botarlle un ollo podedes visitala premendo aquí ou na seguinte imaxe: